畢彼特安祖蓮娜或復合!這些明星離合後更愛對方

上年9月安祖蓮娜祖莉(Angelina Jolie)同畢彼特(Brad Pitt)離婚成為一時熱話,大家都為佢哋覺得可惜,估唔到事隔一年,竟然傳出二人取消離婚,簡直好似連續劇嘅發展咁,究竟發生咗咩事令二人關係好返?

有外媒報導指,二人一直沒進行離婚手續,因此令離婚正式取消,雖然二人未出嚟正式回應,但好多粉絲聽到都為佢哋感到高興,希望佢哋今次真係可以復合。

安祖蓮娜祖莉與畢彼特經歷咗咁多年感情,二人都有為六名子女嘅事保持聯絡,加上畢彼特早前接受雜誌訪問,坦承已經戒除酗酒陋習,有消息就指安祖蓮娜因此決定給對方多一次機會,若果畢彼特戒酒成功,二人或能重新開始。

感情嘅事旁人真係好難理解,最後都係要視乎二人嘅溝通同決定,其實國外唔少名人都曾經喺離婚之後又再次復合,一齊嚟睇下佢哋嘅例子:

  1. 伊莉莎白·泰勒、李察·波頓

獲得兩屆奧斯卡影后的伊莉莎白‧泰勒曾經擁有8段婚姻,其中有兩段婚姻嘅對象都係李察‧波頓,二人因為拍攝電影《埃及豔后》墜入愛河,結婚10年後離婚收場,喺離婚16個月之後,又再次復合,雖然經歷過兩次婚姻後都係以離婚收場,不過二人曾對外表示,對方始終係一生中最愛。

  1. 考特尼史達登、道格休奇森

年僅16歲的美國名模考特尼史達登與年長她35歲的演員道格休奇森於2011年結婚,引起外界熱烈討論,兩年後二人因發生爭執而離婚,繼年又宣布復合,還在海灘激吻高調放閃,不在乎外人眼光,似乎眼中亦只有對方。

  1. 科比、瓦妮莎

NBA球星科比與瓦妮莎於2000年結婚,兩人育有兩個女兒及一個養子,隔年瓦妮莎通過律師向法院提出離婚申訴,科比落力挽留,於2013年瓦妮莎通過社交網站宣布復合了,科比亦指希望二人在未來會活得更好。

Kobe Bryant and Vanessa Laine Bryant arrive at the ESPY Awards on Wednesday July 15, 2009, in Los Angeles. (AP Photo/Matt Sayles)

圖片來源:Life & Style、In Touch Weekly、The Guardian、Just Jared、Digital Spy