願不願意買過萬元一條肩帶elevate your style ?

FENDI 由2016年春夏推出花園系列中，Strap You 肩帶突圍而出在時尚界掀起一股風潮，這個「可獨立選購，並配襯任何手袋」的玩法，不止是為手袋添上奢華的配飾，手袋的mix & match 簡直令全球fashionista 瘋狂，由名人到名媛到OL 們，個個鬥風格又鬥創意，仲要鬥「關係」，別小看一條肩帶，唔止賣到斷貨，連waiting list 都排到今年9月，同品牌關係良好或者可以容易啲等到一條「帶」。

仲有VALENTINO 的guitar rockstud strap加入戰局，相較於FENDI，是比較中性的玩味奢華，各有擁載。目前HERMES Kelly 袋與Strap You 係最受歡迎的配搭，同DIOR 的Lady D 都襯得好靚。

而FENDI 當然要乘勝追擊，16年秋冬系列繼續推出Strap You，素材及細節毫不遜色於手袋。肩帶以經典皮革、皮草、刺繡及皮革飾花的面料縫製而成。

不過今季品牌出現對手喇，PRADA 也加入戰局，但走清新風格，與FENDI 秋冬的奢華東洋風作出區別。