advertisement

【二選一】限量版香檳 vs 100分 cult wine

雖然天氣不太凍好像不似聖誕節,但亦無選去購物準備聖誕的心情!通常聖誕或除夕都會諗起香檳,一起倒數之後便隨即開香檳慶祝!年尾要對自己豪一點,如果要我揀一支香檳當聖誕禮物送比自己,今年我一定揀Perrier-Jouet 的 Belle Époque Blanc de Blancs 2004年特別珍藏版,由著名玻璃日本設計師Ritsue Mishima設計,個樽超靚十足琉璃藝術品。

 

其實我一向都好喜歡Perrier Jouet Belle Époque 優雅而帶花香的味道,亦十分喜愛佢地Belle Époque系列係酒瓶上畫上美麗的白蘭花圖案,而今次跟Ritsue Mishima合作的設計非常有立體感,好似由一顆鑽石倒出香檳。此香檳陳年8年以上,氣泡綿滑而味道複雜,帶白花、雲尼拿、蜜桃、牛油麵包、礦物等味,好elegant!飲靚香檳當然用靚杯飲先至最perfect!我會用奧地利著名Lobmeyr香檳水晶杯去襯,薄得只有0.7mm嘅厚度,本身已經係一件藝術品,用佢飲香檳更優雅!今個聖誕一於做下淑女!

 

另一款送給自己的心水,我會揀支100分的cult wine! 近日有機會在朋友聚會試了一支被Robert Parker 評為100分的Sine Qua Non Poker Face Syrah 2004,個人認為超級好飲!酒瓶上的小丑造型經已非常cult非常cool,帶紫花、黑布冧、黑加倫子、橡木、黑胡椒、雲尼拿等味,結構複雜而餘韻悠長。雖然它的單寧和酸度告訴我,它仍是很年輕,放多20年都沒有問題,但是breathe後飲亦能感受到它的順滑優雅,甚有驚喜。